Atzo izan zituen lehiaketa ofizialean den lehen euskarazko filmak lehen paseak:estreinaldi ofiziala, ordea, gaur 22:00etan izango da Kursaalen. Lehen iritzi suharrak izan ditu Loreak filmak, emozioa, sotiltasuna eta edertasuna nabarmenduz. Joxe Mari Goenaga eta Jon Garaño tandemaren bigarren lana laudorio artean aupatu dute aditu eta zaleek eta batek baino gehiago jada gidoirik onenaren sarirako aldarrikatu du Loreak.
Maskor preziatua lortzeko lehian egongo den lehen euskarazko filmak emozioa eta zirrara zabaldu du Zinemaldian, lehen paseak eta gero. Gaur 22:00etan izango da estreinaldi ofiziala, zuzendariekin, eta lehen kritikek ongietorri ezin eztiagoa egin diote Garaño eta Goenagaren bigarren lanari. Espektazioa ez da txikia gaurko egun handirako; sarrerarik ez da geratzen.
Asun eta Maite eder eta sentikorraren ostean jakina zen bikoteak film handi eta sakonagoa zerabilela eskuen artean. Sarean, han eta hemen, irakur daitezkeen lehen iritzien artean oraingoz Zinemaldian ikusi den filmik emozionalena dela nabarmendu dute.
Hiru emakume ditu protagonista Loreak filmak (Nagore Aranburu, Itziar Ituño eta Itziar Aizpuru), hiru istorio gurutzatu eta igorle ezezagun batek bidalitako lore-sortak ardatz diren intriga bat.
Gaur da egun handia, euskal zinemarentzat ere.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak