Donostia Zinemaldia

Iritsi da Denzel Washington Donostiara

Denzel Washington Maria Cristina hotelera sartzen.

Espero baino 30 minutu beranduago iritsi da aktore estatubatuarra Maria Cristina hotelera. Azken urteetako aktorerik adeitsuena izan da, eta autografo mordoa sinatu ditu. Washingtonek gaur gaueko inaugurazio-galan jasoko du Donostia saria. [LEHEN EGUNEKO IZARRAK]

Aktoreak gehienetan adeitsuak izaten diren arren, Denzel Washingtonen adeitasunak sorpresa eragin du. 15 bat minutu eman ditu aktoreak argazkiak atera eta autografoak sinatzen. Txanda eta irribarre batekin, ikusle eta prentsa beregatzea lortu du.

Debagoindar kutsua duen gala

Jaiotzez gatzagarra den Karra Elejalde aktoreak eta Edurne Ormazabal kazetariak aurkeztuko dute Donostia Zinemaldiaren 62. edizioa inauguratzeko gala. Irailaren 19an izango da, 21:00etan, Kursaal auditoriumean. Aurtengo zinemaldiko sailak aurkezteko, Espainiako zinemako beste figura garrantzitsu batzuk izango dituzte ondoan: Maribel Verdú, Unax Ugalde, Cayetana Guillén Cuervo, Mireia Gabilondo, Eduard Fernández eta Imanol Arias.

Galan, Denzel Washington aktoreak Donostia Saria jasoko du Antoine Fuqua zuzendariaren eskutik, eta bien artean Zinemaldiari hasiera emango dion The Equalizer filma aurkeztuko dute, aktorearen eta zuzendariaren kolaborazio berria, aurrez Training Day (2002) filmean elkarlanean aritu ostean.

Ekitaldi berean, Fipresci sari nagusia ere emango dute. Kritikarien ustez, urteko film honena Richard Linklaterren Boyhood da. Proiektu berezia da oso, 12 urtetan zehar egindako filma da, eta bertan bizitza kontatzen da. Hitz gutxitak Linklater zuzendaria bizitza zine egitea lortu du.

The Equalizer

Training Day ikusi eta gero, beste gauza bat espero genuen. Istorioak abiapuntu polita dauka, mafia, neska galdu bat, gizon lasai bat... Baina apurka apurka, Antoine Fuqua zuzendariak gidoiaren sakontasuna alde batera utzi eta indarkeriaren alde egiten du. Nabari da Sail Ofizialean badago, bere aktoreagatik dela.

 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.