Egungo klubek dituzten beharrak hasetzeko –besteak beste etxeko entrenatzaileak hezten joatea– ezinbestekoak dira halako teknifikazio saioak, eta azpimarratzekoa da saiook antolatzeko elkarlanean jardun dutela bailarako saskibaloi talde guztiek: Aloña Mendik, Bergarak, Eskoriatzak eta Ointxek. Debagoieneko Udal Kirol Zerbitzuen babesa ere izan dute.
Bi saio, egubakoitzean eta domekan
Egubakoitzean, 19:30ean Eskoriatzan izango da lehenengo saioa (19:30ean, Manuel Muñoz kiroldegian). Azu Muguruzak gidatuko du saioa, emakumezkoen EHU taldekoko entrenatzailea da bera. Eta, saioa gazteleraz izango da. Muguruzak planifikazioak duen garrantziaz egingo du berba. Domekan, ostera, (17:00, Labegaraieta) Iurgi Caminosek hartuko du erreleboa, Araberri basket klubeko entrenatzaileak, eta hau da saioaren izenburua: Entrenamendua prestakuntza mailetan. Hala, saio hori euskaraz izango da.
.
