Sakabanatzearen aurkako Bilboko ekitaldirako autobusak egongo dira

Presoen sakabanatze politikaren aurka batu eta gizartea "aktibatu" gura du Sarek. Irailaren 20an ekitaldia egingo dute Bilboko Bilbao Arenan. Ekitaldia aurkezteko eginiko agerraldian hurrengo zapatukoa "sakabanaketarekin amaitzeko mugarria" izango dela adierazi dute. Autobusak egongo dira Arrasate, Bergara, Oñati eta Antzuolatik.

Sare herritarren sareak presoen sakabanatzearekin amaitzeko eskatuko du irailaren 20ko Bilboko ekitaldian. Miribillako Bilbao Arenan izango da eta "25 urtez euskal preso politikoei aplikatu zaien sakabanaketak egunak zenbatuak" dituela iragarri dute aurkezpen agerraldian. Diote "norbanakotik abiatuta, helburu komun berdinera gure ekarpen alea gehitzen badugu", "salbuespen neurri" horrekin amaituko dela.

Autobusak

  • Arrasate: 16:30ean irtengo da Garibaitik. Tiketak Taupa eta Iratin eros daitezke.
  • Bergara: 16:00etan irtengo da. Tiketak ohiko lekuetan daude salgai.
  • Oñati: Arrano eta Oñati tabernetan salgai.
  • Antzuola: 16:00etan Gaztetxe paretik irtengo da eta apuntatzeko zerrendak Gaztetxean eta Arin tabernan daude.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.