Horrez gain, Euskal Herriko gazta txapelketako ateak zabaltzen dituen gazta lehiaketa ere egin zen, baina bailarako ordezkariek ez zuten zorterik izan.
Esfortzuaren ordaina
"Zailtasunak zailtasun, ardiekiko maitasuna sentitzen duenarentzat ez dago artzaintzatik bizitzea baino gauza ederragorik", esan zuen antolatzaileetako batek: " Lanbide soila baino, bizitzeko modu bat baita, barru barrutik sentitzen den zerbait".
Urtetan bizimodu horren eredu izan diren Maria Angeles Barrena eta Nikolas Segurola omendu zituzten. Bi oñatiarrek irribarretsu, makila eta oroigarri bana jaso zuten. Barrenak Arantzazun gazta saltzen eman dituen urteak, eta Segurolak artzain eskolari eta gaztagintzari egindako zabalkuntza saritu zituzten.
Artzain txakurren lehiaketa
Gipuzkoako artzain txakurren lehiaketaren 46. edizioa ere egin zen, eta bertan, Jesus Mari Plazaola arrasatearrak Lagun txakurrarekin, eta Migel Arregi oñatiarrak Mendi eta Gorri-rekin hartu zuten parte. Arrasatearrak bigarren postua eskuratu, eta Euskadiko txapelketara joango da; oñatiarra, hirugarren zen.
