Debagoieneko Gazte Sozialistek eskolarako materiala batzeko kanpaina hasi dute

Monika Belastegi Aranzabal 2014ko ira. 6a, 09:33

Kanpaina hilaren 11ra arte izango da eta parte hartu nahi dutenek Arrasateko Casa del Pueblora eraman beharko dute materiala. Batutako guztia Gurutze Gorriari emango diote beharra duten familien artean banatzeko.

Alex Molina gazteen Idazkari Orokorrak esan duenez, Gazte Sozialisten helburuen artean dago gizarte proiektuak egitea "errekurtso gutxien duten familiek hainbeste zailtasun izan ez dezaten".
Bidalitako oharrean gehitzen duenez, "bizi dugun krisiaren ondorioz, familia asko oso gaizki pasatzen ari dira seme-alabek eskolarako ezinbesteko duten materiala erosteko. Boligrafoak, arkatzak zein koadernoak bezalako gauza oinarrizkoak, luxuzko material bihurtzen dira familiek horiek edo janaria erosi aukeratu behar dutenean".

Hori horrela, eskolarako materiala batzeko kanpaina abiatu dute. Materiala eman nahi dutenek Arrasateko Casa del Pueblora –Martxoaren 8a kalea, 1 behera– eraman behar dute irailaren 11 baino lehen. Batutako material guztia Gurutze Gorrira eramango dute beharra duten familien artean bana dezaten.

Horrekin guztiarekin, Debagoieneko Gazte Sozialistek dei egiten diete herritarrei kanpainan lagun dezaten.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak