Arrasate Hiria eta Jose Luis Agirreren omenezko torneoak zapatuan

Iaz, Arrasate Hiria torneoan, Mondra eta Aretxabaleta lehian. | goiena

Bailarako futbol taldeek denboraldia prestatzen jarraituko dute asteburuan, eta horretarako bi hitzordu izango dituzte gurean. Batetik, Mondrak Arrasate Hiria torneoa antolatu du zapaturako, eta egun berean, Oñatin, Jose Luis Agirreren omenezko torneoa jokatuko du Aloña Mendik.

Bihar, zapatua, Mojategin izango ditugu Bergara, Elorrio eta Mondra, hiruko torneoa jokatzen. 16:30ean hasiko dituzte partiduak, eta lehenengoan Elorriok eta Bergarak neurtuko dituzte indarrak; ondoren etorriko da Mondraren eta Elorrioren artekoa (17:30), eta azkenik, Mondrak eta Bergarak jokatuko dute (sarrera 3 euro, eta zaleek talde zuri-moreko bazkide egiteko aukera izango dute).

Oñatin, Aloña Mendi eta Laudio

Joan den astean bailarako talde gehientsuenak Bergara Hiria torneoan ikusi genituen. Oñatiarrek, ostera, Bakioren kontra jokatu zuten (2-2), eta aste barruan ere Soraluzeren kontra jokatu dute. Hala, bihar, zapatua, Oñatiko mutilek Jose Luis Agirreren omenezkoa jokatuko dute, Laudioren kontra (17:00).

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.