Ane Miren Alberdi abuztuaren 6an askatu zuten, Frantzian zigorra bete ostean. Rennes-ko kartzelatik irten eta Madrilgo Barajas aireportura eraman zuten, han libre geratu zelarik.
Frantziako poliziak 2003an atxilotu zuen Akizen, Carlos Saiz de Egilaz eta Cristina Goirizelaiarekin batera. Hamabost urteko espetxe zigorra jarri zioten; gutxienez zigorraren bi heren betetzera behartu eta Frantziako Estatura itzultzeko debekua ezarriz.
40 urte etxetik kanpo
Alberdik ia 40 urte egin ditu etxetik kanpo, erbestean lehenengo eta kartzelan gero. Lagun eta senideek harrera beroa egin zioten aske geratu zen egunean bertan, Bergarara iritsi zenean. Artatse elkartean egin zioten ongi-etorria, luntx batekin.
