Espeleo Txiki Abenturan murgildu dira gaur goizean hainbat gaztetxo. Gurasoek eta Arrikrutzeko gidariek lagunduta, haitzuloan barneratu dira ohiko bisitak eskaintzen duenetik haratago. Gaur, kaskoa eta frontalarekin egin behar izan dute bidea, izan ere haitzuloaren benetako iluntasuna bizi eta sentitu ahal izan dituzte.
Arrikrutzeko toki ezkutuago batzuk ezagutzeko aukera izan dute gaur goizean Arrikrutz sistema karstikoan barneratu diren 26 lagunek. 15 kilometrotako barrunbean barrena, ohiko ibilbidetik atera eta abenturan barneratu dira horiek. Hiru ordu inguruko ibilbidean, estalaktitak eta estalagmitak, haitzuloko txoko ezkutuak eta hango bizitza –historiaurrekoa eta gaur egunekoa–, ezagutzeko modua izan dute. Ausart ibili dira neska-mutikoak, gora eta behera, lurrazpiko mundu misteriotsuan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
