Segurtasun Sailak emandako azalpenen arabera, gauez eta goizaldean jarduten zuen atxilotuak Arrasaten, Aretxabaleta eta Eskoriatzan, bizikletaz hara eta hona. Autoetako leihoak hautsi eta gero ibilgailuetan aurkitzen zituen objektuak lapurtzen ei zituen, gerora saltzeko. Ertzaintzak dioenez 26 urteko gizonezkoa "ohiko delitugilea" da eta lehenago ere, 2013an "antzerako ekintzengatik" atxilotu zuten Durangon. Bergarako Ertzain-etxean atxiki eta gero bertako Auzitegira eroan dute gaur goizean atxilotua.
Lapurtutakoaren zati bat Eskoriatzako lokal baten aurkitu dutela jakinarazi du Ertzaintzak eta dagoeneko zeinbat jabek identifikatu dituztela horietako batzuk. Ikerketan, Ertzaintzak jakin du Bilboko bigarren eskuko salerosketa kate bati salduak zizkiola jada 90 objektutik gora, lapurreta salatutako batzuk barne.