Argazkiak aurkeztu ahal izango dira paperean edo digitalizatuta, eta aurkeztearekin batera adierazi beharko dira egilearen izen-abizenak eta herria, telefonoa, noiz eta non ateratakoa den eta zer eta nortzuk agertzen diren.
Argazkiak izan behar dira inon argitaragabeak, eta ahal izango dira Goienaren Arrasateko egoitzara eraman edo argazkiak@goiena.com helbidera bidali.. Sare sozialetan eta Goienaren hedabideetan argitaratuko dira argazkiak, asteleheneko paperekoan eta Goiena.eus-eko foto-blogean –blogak.goiena.eus/argazkiak–.
Sariei dagokienez, lehenengoa izango da Bergarako KB Photoestudio-k emandako Nikon kamera; bigarrena, Orioko Aisia hotelean zirkuitu termala eta otordua, Arrasate Bidaiak-en eskutik; eta hirugarrena, otordua Leintz Gatzagako Gure Ametsan. Herritarren saria izango da Arrasateko Eroskik emandako E-book bat, eta blogean botoa ematen dutenen artean zozketatuko da munduko askotariko kafe otarra, Arrasateko Karibu dendaren eskutik.
