Joan den asteburuan Oñatiko San Migel parrokian egin zuten kontzertu bera izango da bihar Bergarako San Pedro parrokian egingo dutena. Oñatiko eliza bete egin zen estreinako kontzertu horretan eta emanaldi "serio eta borobila" eskaini zutela esan zuen orduan Etxanizek. Vivaldiren Gloria eta Credo eta Bach-en Cantata 131 interpretatu zituzten, adibidez. Amaitzeko, Gounod-en Ave Maria abestu zuten.
Zapatuko kontzertua ere haren berdina izatea gura dute. Kontzertuan, 110 pertsonak osatutako korua arituko da kantuan, orkestrak 26 musikari izango ditu eta 45 bakarlarik abestuko dute.
Emanaldia 19:00etan hasiko da San Pedro parrokian bihar, eta sarrerak salgai daude. Kultura etxean, Lazkano zapata dendan eta Pikuperen bulegoan eros daitezke zortzi eurotan.