Arrasateko udal liburutegian, Asun Agiriano kudeatzailearen esanetan, bi mila gida inguru banatu dira, liburutegian zein ikastetxeetan. Proiektua ezaguna dela dio Agirianok, eta jendartean harrera ona daukala. Izan ere, guraso asko hurbiltzen baitira liburutegira, gida eskuan, gomendio edo liburu eske. Haurren artean ere ezaguna da.
Egitasmo honen bitartez, liburutegiek udarako aisialdiko eredu anitza bermatu nahi dute. Gainera, formazioa ere eskaintzen da gidarekin; izan ere, liburu berrien aurkezpena egiten da, eta aukeraketa lana errazteko orientaziorako tresna ere bada. Liburuei bultzada eman eta irakurzaletasuna sustatzeko asmoz sortutako proiektua da. Bestalde, diseinua ere zaintzen dutela dio kudeatzaileak, gida erakargarria egiteko asmoz. Bailarako zenbait liburutegik elkarlanean sortutako gida da, eta ohitura den bezala, Iraide Olaizolaren diseinua dauka.
Ikus-entzunezkoak gora
Biblioporrak gidaren baitan liburuek dute pisu gehien, baina bestelako materialak ere eskuratu daitezke. Asun Agirianoren esanetan, gero eta ikus-entzunezko gehiago daude liburutegietan, eta haur eta gazteen artean horiek dute arrakasta gehien. Aurten sei disko eta bost pelikula eskaintzen dira gidan