%12ko langabezia tasarekin bukatu da ekaina, eta 127 langabe gutxiago dago

Leire Kortabarria 2014ko uzt. 2a, 11:02

Hirugarren hilabetez jarraian, langabezia tasa txikitu egin da Debagoienean eta Euskadiko batez bestekoa baino txikiagoa izaten jarraitzen du: ekain bukaeran, %12,07, denetara 3.597 langabe, maiatzean baino 127 gutxiago. Espainiako Enplegu Zerbitzu Publikoak emandako datuak dira.

Elgetan izan ezik, beste herri guztietan murriztu da langabezia. Hauek dira herriz herriko datuak:

    •    Antzuola: 95 (-5), %8,71 (-0,46)
    •    Aretxabaleta: 330 (-8), %9,76 (-0,24)
    •    Arrasate: 1.583 (-60), %15,28 (-0,58)
    •    Bergara: 854 (-13), %12,18 (-0,18)
    •    Elgeta: 48 (+5), %8,86 (+0,93)
    •    Eskoriatza: 236 (-22), %11,59 (-1,08)
    •    Leintz Gatzaga: 7 (-1), %5,19 (-0,74)
    •    Oñati: 444 (-23), %8,46 (-0,44).

Euskadin ere jaitsi egin da langabezia tasa, batez ere Gipuzkoan: %4,41. Hala, ekainean 46.044 langabe zeuden Lanbideko bulegoetan izena emanda, maiatzean baino 2.126 gutxiago. Bizkaian, 4.111 langabe gutxiago izan dira (-%4,17), eta Araban, 866 gutxiago (-%3,08). Horrenbestez, Euskadin 7.103 langabe gutxiago zeuden ekain bukaeran (-%4,06), denetara 167.764 langabe.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak