Fracking-aren aurkako Herri Ekimen Legegilearen barruan, sinadurak biltzen ari dira Fracking Ez! plataformako kideak. Modu ibiltarian ari dira sinadurok biltzen, bizikletaz. Gasteizen hasi zen martxa atzo, ekainak 30, eta Gasteizen bertan amaituko da uztailaren 6an. 30.000 sinadura bildu behar dituzte gutxienez, Legebiltzarrean tramitatu ahal izateko: "Kopuru horretara iritsiko gara; gero eta sinadura gehiago, indar handiagoa erakutsiko dugu Parlamentuan", dio plataformako kide Luis Casadok.
Gaurko etapa Aramaiotik abiatu da eta Legazpin amaituko da. Tartean Oñatin egingo dute geldialdia, bazkaltzeko. Uztailaren 6an, azken egunean, Arrasaten bazkalduko dute.
Antolatzaileen arabera, ez dira etapa gogorrak izango: "Egun bakoitzean kilometro gutxi egingo ditugu, 20 goizez eta beste 20 arratsaldez; sufritzeko asmo gutxirekin eta erritmo lasaian. Bizikleta aspaldi hartu ez baduzu ere arazo handiak ez dituzu izango gurekin etortzeko. Animatu!".
Irailaren 14ra arte
Herri Ekimen Legegilerako sinadura bilketa irailaren 14ra arte egin ahalko dute eta beraz uda osoa izango dute lan egiteko. Izan ere, sinadurak biltzea ez da helburu bakarra, Casadoren arabera: "Herrietan sortzen ari diren taldeen arteko harremana sendotzen joan gura dugu, besteak beste". Informazio gehiagorako, klikatu hemen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
