Eskaintza horiek datutan: Cevital gertu dago 18 milioi euro ordaintzeko eta 1.300 lanposturi eutsiko lieke (300 zuzenak). Cevitalek joan den astean aurkeztu zuen azken eskaintza hori. Eta aurretik egindako eskaintza ez ofiziala 5,5 milioi eurotan hobetu du enpresa aljeriarrak.
Generalitatearen babesa
Catak, berriz, 16'2 milioi euro ordainduko lituzke Fagorrengatik; baina era berean 1.397 lanposturi eutsiko lieke. Gainera, Berria.info komunikabideak dioenez, Generalitatearen babesa du Kataluniako enpresaren proposamenak.
Azkenik, Txileko fondo batek Edesa erosi nahi duela iragarri du epaitegian egindako eskaintzarekin. Europa Press-en esanetan, zazpi milioi eskaintzen ditu eta Edesako 230 lanpostuetatik 100 gordeko lituzke.
Epaileak uztailaren amaierara arteko epea du Fagor zeinek eskuratuko duen jakinarazteko.