Lurraldebuseko autobusetan bizikleta tolesgarriak eramateko aukera egongo da

Gipuzkoako Foru Aldundiak, erabakiaren bitartez, autobus zerbitzuaren araudiak dituen hutsuneak konpondu nahi izan ditu. Erabiltzaile bakoitzak bizikleta bakarra eraman ahal izango du, eta 100x65x40 neurria ezingo dute gainditu.

Orain arte, bizikleta tolesgarriak eramateko aukera zegoen eta beste batzuetan ez, emakidaren araberakoa zen. Gainera, erabakiarekin, garraiobide ezberdinen arteko loturari eman nahi dio garrantzia Gipuzkoako Aldundiak. Garraioen arteko lotura bermatu, erraztu eta indartu nahi dute, are gehiago, horietako bat bizikleta bezalako garraiobide iraunkor, ekologiko eta segurua bada.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.