Merkatu librean operatzen duten komertzializatzaile handiekin esandako tarifa daukaten bezeroak dira horiek. Oñatin, adibidez, jende gehienak ez du itzulketarik izango; izan ere, nahiz eta Oñargik esandako tarifa hori aplikatu, berak hala erabakitzen duelako da, ez merkatu librean bezeroarekin negoziatu ondoren.
Gainerakoan, diru hori jasotzeko eskubidea dutenei hau ohartarazten die Adicae elkarteko Francisco Javier Alvaradok: "Enpresek ez dute berez dirua itzuliko, baizik eta hurrengo fakturatik edo fakturetatik deskontatuko dute". Uztailaren 1aren eta abuztuaren 31ren artean egin behar dute hori. Dagokien kontsumitzaileek deskontua egiazta dezaten, Espainiako Merkatuen Batzordeak tresna bat ipiniko du bere webgunean (www.cnmc.es).
