Zapatuan bukatu zen Fagor Etxetresnetako, Edesako eta Grumaleko aldi bateko langile izan ziren 326 lagunen EREa negoziatzeko epea. Aurre-akordioa badagoela aurreratu digute langileen ordezkariek, baina bihar, eguena, langileek horren gainean erabaki beharko dutela eta ordura arte ez dagoela ezer itxita.
Langileen ordezkariek esan dutenez, "enplegua da aurre-akordioaren oinarria: enplegua nahi duenak horren aukera izan dezlaa, eta gainerakoendako kalte-ordainak". Kalte-ordain horiek "legeak markatzen duenetik oso gertu" izango direla gaineratu dute.
Bihar, eguena, Grumaleko langileek dute horren gainean bozkatzeko batzarra.