ESK sindikatuak jakinarazi duenez, bat egiten du M-22 Duintasun Martxak egindako aldarrikapenekin. Hortaz, ekainaren 21ean, zapatua, Eusko Legebiltzarrean 11:00etan eta Nafarroako Parlamentuan 19:00etan egingo diren ekintzetan parte hartzera gonbidatzen du "afiliatu oro eta euskal jendartea".
Aldarrikapen horiek hiru lelo hauetan laburtzen dituzte deitzaileek: Troikaren gobernuak kanpora, Zor bidegabea ordaintzeari ez eta Murrizketei ez.
Bestalde, Kutxabank pribatizatzearen aurkako kale-agerraldian ere parte hartuko duela jakinarazi du. Berau ere ekainaren 21ean izango da, Bilbon, Jesusen Bihotzetik 17:30ean irtenda.