Zapatuan, ekainaren 14an, GI-5627 errepidearen Eskoriatzako zati bat tarteka itxiko dute, 07:00etatik 21:00etara. Erabiltzaileek horren ordez GI-3310 errepidea hartzeko gomendioa egin du Gipuzkoako Foru Aldundiak.
Eskoriatzan GI-5627 errepideko 27. Kilometroaren inguruan, zuhaitzak moztu behar dituzte; hori dela eta errepidea itxita egongo da tarteka. Iluntzeko bederatzietatik aurrera zirkulazioa beti bezala egotea espero da. Ordezkoa izango da GI-3310 errepidea, Eskoriatzatik Leintz Gatzagara doana. Gipuzkoako Foru Aldundiak adierazi duenez, desbideratze guztiak seinaleztatuko dira.
