Europako Ministroen Kontseiluak bi eskaera egin zituen: hizkuntza gutxituen presentzia eta euskarazko zerbitzua emango duten langile nahikoak egongo direla bermatzea. Bilbaoren esanetan, "ez dago inolako borondaterik"; izan ere, kontratatzerako orduan, euskara meritu gisa hartzen baita, eta ez betebehar edo baldintza modura. Nafarroari dagokionez, krisi ekonomiaren aitzakiaz baliatu dira neurriz kanpoko murrizketak egiteko, besteak beste, euskaltegiak eta euskal hedabideak diru laguntza gabe utzi ditu.
Hezkuntza arloa da kaltetu handienetako bat. Nafarroan derrigorrezko hezkuntza euskaraz bermatzeko konpromisoa ez da betetzen, eta, gainera, D ereduko ikasleak baztertu egiten dira adierazi du Kontseiluak, adibidez, truke programetatik at uzten dituzte. Lanbide Heziketa egoera larriagoan dago; Euskal Autonomia Erkidegoan nahiz Nafarroan, D eredua ez dago bermatuta eta ikasleak erdalduntzera behartzen ditu.
Ertzaintzaren kasuan, lehen hizkuntza-eskakizunak ez du euskaraz aritzeko gutxieneko gaitasunik bermatzen.