Azokaren 28. edizioa da aurtengoa. Lau pabiloi hartuko ditu, eta 1.600 produktu egongo dira ikusgai, artean, prestazio maila handiko 800 makina eta 300 berrikuntza. Horietako batzuk Fagor Automation taldeak aurkeztutako nobedadeak izango dira. Fabrikatzaile, banatzaile eta erabiltzaileei zuzendutako produktuak aurkeztuko ditu, makinen erabilera erraztu, azkartu eta optimizatzeko diseinaturiko eta garaturiko produktuak dira. Fagor taldearen esanetan, sektorearentzat topaketarik garrantzitsuenetarikoa da, fabrikazio prozesuetarako azken aurrerapen teknologikoak ezagutzeko.
Hurrengoak dira Makina Erremintaren Biurtekoan parte hartuko duten enpresa debagoiendarrak: Danobat S. Coop (Bergara), DanobatGroup S. Coop (Bergara), Fagor Arrasate (Arrasate), Fagor Automation (Arrasate), Soraluce S. Coop. (Bergara), Num CNC Highland Applications, SA (Oñati), Oerlikon Balzers (Antzuola), Sisteco SL (Elgeta), Sitalu 2001 SL (Bergara), Talleres Filber SL (Bergara) eta Tecnología y Sistemas para EDM (Tecnosystem) (Bergara).
