Negozio eredu berriak, ohikoa asaldatu leloarekin, komertzioaren betiko moduak aldatzeko gertu egoteko beharra azaldu zen, eredu edo negozio-kontzeptu berriak garatzeko, aukera eta merkatu-nitxo berriak aprobetxatuz. Kontsumitzailearen eskaerei entzutearen garrantzia azpimarratu zen; izan ere, bertan esan zenez, produktua edo zerbitzua erostea erabakitzeko modua aldatzen joan da kontsumitzailea, eta aldatzen jarraitzen du.
Parte hartu zuten kongresuan Eusko Jaurlaritzako Komertzio eta Turismo sailburuordeak, Itziar Epalzak, eta Gipuzkoako Bazkundeko presidenteak, Pedro Esnaolak. Bi enpresa komertzialen kasuak azaldu ziren: Hackett London joskintza-enpresa eta Bacalao Giraldo enpresa. Eredu eta joera berrietara nola zabaldu ziren azaldu zuten biek. Mahai-ingurua izan zen segidan.
Aurrerantzean, Araban, Bizkaian eta Gipuzkoan 52 tailer egingo dituzte, lau astean zehar. Horiekin, bereziki komertzio txikiei, euren jarduera hobetzeko teknikak eta tresna praktikoak erakutsi nahi dizkiete. Hainbat gai landuko dituzte: produktuak aurkezteko teknikak, erakusleihoa argiztatzea, bezeroaren erosketa-esperientzia, Interneteko estrategia, ahozkoa ez den hizkuntza, joera berriak edo adimen emozionala.
Informazio gehiago, Gipuzkoako Bazkundearen webgunean.