Europako hauteskundeak direla-eta, Goiena telebistan, gaur, martitzena, 'Harira' saioan buruz buruko eztabaida izango dugu: EH Bildu eta EAJren hautagaien arteko eztabaida. Horrez gain, astelehenetik egubakoitzera, 23:30ean, elkarrizketak ordezkari politikoekin eskainiko ditu Goiena telebistak.
Astelehenean, PSE-EEko Maider Lainez izango da; martitzenean, Ezker Anitzako Leire Martinez; eguaztenean, Equoko Aitor Urresti; eguenean, EH Bilduko Josu Juaristi eta, egubakoitzean, EAJko Luke Uribe-Etxebarria.
Elkarrizketa horiek Hamaika telebistak ekoiztuko ditu eta Goiena telebistan ere emango dira, esandako moduan, 23:30ean.
'Harira' saio berezia
Bailarako alkate guztiak Harira saiotik pasa ostean, asteon buruz buruko eztabaida izango da Eneko Azkaratek aurkeztuta. EH Bilduko Marian Beitialarrangoitia eta EAJko Luke Uribe-Etxebarria izango dira saioan, gaur, martitzena, 22:00etan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
