Banako berdinketa Eztalan, lehia eta emozio handiko derbian

Bergarako jokalaria baloiarekin, gaurko derbiko une baten.
Antzuolak eta Bergarak bana berdindu dute Eztala futbol zelaian. Sailkapenari begira Antzuolak ez zuen ezer jokoan eta bai, ordea, Bergarak; Aitor Arrateren mutilak maila ez galtzeko ari dira borrokan. Hala ere, etxeko taldea intentsitate handiz irten da eta orokorrean kanpokoek baino gehiago merezi izan dute. Antzuolako Ibai Zabalok eta Bergarako Jokin Baltzategik egin dituzte golak.

Giro ona izan da gaur Eztala futbol zelaian. Eguraldi ona eta sarrera ona; igarri da gaurkoa derbia zela. Lehiaren amaieran jokalariek aitortu dutenez, bero handia egiten zuen futbolean jokatzeko, baina kanpotik ez da hori igarri. Intentsitate handiko partidua izan da. Aukera gehiago izan ditu Antzuolak baina Bergarak, berdindu ostean, izan du aukerarik garaipena eskuratu eta maila bermatzeko. Vasconiak irabazi egin du eta beraz, azken jardunaldian erabakiko da mahoneroak jaisten diren edo ez: "Gure esku egongo da, hori dugu alde", adierazi du partiduaren amaieran Bergarako kapitain Andoni Nafarratek.

Kronika osoa eta protagonisten iritziak, asteleheneko Goiena paperean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.