Espainiako BPG %0,4 hazi da epe berean.
Iazko lehen hiruhilekoaren aldean, Euskadiren BPG %0,4 hazi da, azken bederatzi urte arteko hiruhilekoko tasa negatiboen ondoren. Espainiako BPG %0,6 hazi da epe berean.
Industria eta zerbitzuak, hobera
Eskaintzari dagokionez, lau jarduera-sektore nagusiek askotariko portaerak izan dituzte: industriak eta zerbitzuek hobera egin dute, eta lehen sektoreak eta eraikuntzak, aldiz, balio erantsi gutxiago sortu dute.
Lehen sektorea %1,3 murriztu da iaztik. Hiruhileko artean, %9,5 murriztu da.
Industria puntu erdi hazi da urteko lehen hiruhilekoan. Horrenbestez, urte arteko hazkunde-tasa positiboa da, bigarren hiruhilekoz jarraian. Industriaren hiruhileko arteko aldakuntza positiboa da, laugarren hiruhilekoz jarraian (%0,3). Bereziki ondo portatu da manufaktura-industria.
Eraikuntza sektoreak pisua galtzen jarraitzen du euskal ekonomian: urte artean, %1,4 txikitu da. Azken bi hiruhilekoen arteko hazkunde tasa negatiboa izan da (-%2,7).
Zerbitzuek hobera egin dute, hala urte arteko tasan (%0,6), nola hiruhileko artekoan (%0,8). Zerbitzu sektorearen barruan, merkataritzaren, ostalaritzaren eta garraioaren jarduera-maila %0,2 murriztu da, baina gainerako zerbitzuena (%0,4), herri administrazioarena, hezkuntzarena, osasunarena eta gizarte zerbitzuena (%1,9) handitu egin da.
