Goizeko azken orduan Tapia sailburuak eta Industriako sailburuordetzako taldeak GestampKunshan eta MondragonKunshan Park instalazioak bisitatu zituzten atzo, eta bertan Orbea, Fagor Arrasate eta Ormazabal enpresen lantegiak ikusi zituzten.
Enpresa-bisita horiek egin aurretik, Arantza Tapia sailburuak Jiangsu-ko Alderdi Komunistako idazkari nagusi Luo Zhi-Jun-ekin elkartu zen. Jiangsu Txinako probintzia aberatsenetakoa da eta Luo Zhi-Jun Txinako gobernuko Zientzia eta Teknologiako ministrordea izan zen. Topaketa horretan, Euskadiko eta Txinako enpresen arteko lankidetzei eusteko eta horiek zabaltzeko interesa berretsi zen.
Bihar, automobilgintzaren gainean
Euskal ordezkaritzak SAIC enpresak Shangain dituen instalazioak bisitatuko ditu gaur, eguena; SAIC Txinako auto-fabrikatzailerik handiena da, eta bertan bilduko dira, besteak beste, Kanpo Eragiketen Sareko zuzendariarekin eta Erosketetako eta Kanpo Eragiketen Hornidura Kateko arduradun nagusiarekin.
Sailburuaren agenda ofiziala horrenbestez amaituko da, Shangai inguruan kokatuta dauden euskal enpresen ordezkaritza zabal batekin egingo duen topaketa batekin.