Iazko epe berean baino %9 batu da zergatan apirilera arte

Iazko epe berean baino %9 gehiago batu du Ogasunak aurtengo apirilera arte. Martxora arte, %2,4 gehiago zuen batuta zergatan; beraz, apirilean 6,6 puntu hazi da urteko bariazioa.

Lau kontu nabarmendu ditu Ogasunak urte hasierako zerga-bilketan: alde onean, BEZen eta lan-etekinen atxikipenen sarrerak "nabarmen" handitu direla eta Roverren itzulketak bukatu direla; alde txarrean, Sozietateen gaineko Zergaren itzulketak asko handitu direla. Datozen hilabeteotan itzulketak egonkortzea espero du Ogasunak.

Zuzeneko zergatan, %2,5 gutxiago batu da, batez ere Sozietateen gaineko Zergaren eraginez. Iazko kanpainari dagozkion itzulketak egiten ibili da Ogasuna, eta, aurtengo apirilera arte, 16,2 milioi gehiago itzuli ditu. PFEZek, aldiz, gora egin du (%2,2), lan-etekinei %2 gehiago atxiki zaizkielako.

Ogasunarendako, emaitza "bikainak" dira eta "zerga ihesaren eta iruzurraren aurka" hartutako neurrien ondorioa dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.