Euskal Enplegu Zerbitzuak, Lanbidek antolatutako ikastaro horiek EAEko hainbat KZgunetan emango dituzte, eta Interneten ibiltzen hasteko modua ere erakutsiko dute.
Debagoieneko saioak hauek izango dira: Arrasaten, maiatzaren 7tik 16ra bitartean, Kulturaten, 16:00etatik 18:30era. Bederatzi lagunendako lekua egongo da. Eta Bergaran, Barrenkaleko Irizar jauregiko KZgunean izango da, maiatzaren 19tik 28ra, 09:00etatik 11:30era. Kasu horretan, 12 lagunendako lekua dago.
Zortzi unitate didaktiko daude, eta gehienak Internet erabiltzen ikasteko dira, baina bi daude zehazki enpleguarekin lotuta: bat, Lana bilatzea Interneten; eta bestea, CV-ei buruzko informazioa bilatzea on-line.
Izenematea Arrasateko Lanbideren bulegoan egin behar da.