II. Errepublika gogoratzeko eguna

II. Errepublika aldarrikatu zutela 83. urte betetzen dira gaur, eta data ospatzeko eta balore errepublikanoak goratzeko ekitaldiak antolatu dituzte hainbat herritan. Bergaran, esaterako, bandera errepublikanoa eskegi dute Fraiskozuri Plazako monolitoan, eta errepublikanoen bandera zintzilik dago gaur Eskoriatzako udaletxeko balkoian ere. Ez da hori, ordea, Ezker Anitzak gaurko Eskoriatzan antolatu duen ekitaldi bakarra: 19:00etan, tamaina handiko bandera bat zabalduko dute herri sarrerako oinezkoen ibilbidean eta etxafleroak botako dituzte.