Bestalde, ligako oilarren arteko borroka izango da Aretxabaletan (domekan, 16:30, Ibarra), UDAk lider dagoen Berio hartuko duelako. Bergarak, ostera, laugarren sailkatu Anaitasunaren bisita izango du Agorrosinen. Kontrario gogorra mahoneroek aurrean izango dutena, baina etxean jokatuta Arrateren mutilek irabazi beharra dute, jaitsiera postuak komeni baino gertuago dituzte-eta.
Ligako azkenaurreko derbia jokatuko dute domekan Aloña Mendik eta Antzuolak (16:30). [Estalan izango da azkena, Antzuolak eta Bergarak azkenaurreko jardunaldian jokatuko dutena]. Aloñak bigarren postuagatik borrokan jarraitu nahi badu derrigor irabazi beharko dio lasaitasun postuetan dagoen Antzuolari, baina azken horiek konfiantzaz daude. Eta, aurtengo etxerako lanak jada eginda. Hala, joko aldetik partidu irekia izateko osagaiak baditu.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak