Mondragon Korporazioko aseguru-etxeak 185 milioi fakturatu zituen 2013an, aurreko jardunaldian baino %4 gehiago. Horrez gain, Bezeroari Arreta Zerbitzurik Onena duen enpresa izendatu zuen sektoreak Lagun Aro.
Fakturazioaren 111,3 milioi Seguros Lagun Aro SA-renak dira (2012an baino %5,4 gutxiago), eta beste 73,3ak, Seguros Lagun ARo Vida SA-renak (2012an baino %19,3 gehiago).
Sektoreak gutxiago fakturatu du
Fakturazioak behera egin du orokorrean sektore osoan, Lagun Aroren esanetan; batik bat, automobilaren alorrean, batez besteko prima asko jaitsi delako. Lagun Arok %7,8 gutxiago fakturatu du automobilen aseguruetan; etxebizitza, berriz, %1,4 handitu da, sektoreko datuen gainetik, enpresaren esanetan. Ratio bateratua %84,4koa izan da, 2012an baino lau puntu gehiago.
Seguros Lagun Aro Vida SA hainbeste igo da, batez ere, aurrezkiaren atala igo delako: 2012an baino %26,7 gehiago. Bizitza Arrisku aseguruak, sektoreko datuak hobetuta, %2,6 hazi dira.
Seguros Lagun Arok %257,6ko likidezia-marjina izan zuen iaz, 2012an baino 47 puntu gehago.
Seguros Lagun Aro Vida S.A.ren igoera Aurrezkiaren atalari esker gertatu da batez ere, aurreko urtearekiko % 26,7ko igoera izan baitu. Bizitza Arriskuak ere, sektoreko datuak hobetu eta % 2,6ko hazkundea lortu du.
Bestalde, Seguros Lagun Aroren Kaudimen Marjina % 257,6koa izan da 2013an, eta aurreko urtean lorturikoa 47 puntutan hobetu du.
