Arrasateko enpresak Euskal Selekzioarekin egin zuen lehenengo kontratua orain dela bi hamarkada gauzatu zen, 1994ko urriaren 4an, hain zuzen ere; nolanahi ere, selekzioak Atotxaren itxiera ekitaldian jantzi zuen Astoreren elastikoa lehenengo aldiz, 1993ko ekainaren 22an.
Urte hauetan zehar, arroparen euskal etxeak bederatzi elastiko mota ezberdin egin ditu, eta datorren urrian aurkeztuko du Euskal Selekzioaren elastiko berria.
"Kirolariaren errendimendua hobetzeko"
Astore marka Import Arrasate enpresaren barruan dago eta 1988an sortu zen. Kirol-jantziak diseinatu, ekoitzi eta merkaturatzen ditu.
Bere ekipazioak Active Dry ehunarekin egindakoak dira; ehun hori Astorek garatu zuen, "kirolariaren errendimendua hobetzeko".