Bideoa prozesatzen ari gara. Itxaron pixka bat mesedez...
Osasun arloko lan erreformak salatzeko LAB sindikatuak elkarretaratzea deitu du gaur, Arrasaten. 'Mutualitateak: kapitalaren morroi, gure osasun ereduak guk erabaki' lelopean, egungo lan ereduak dakarren osasunaren eredu pribatua eta ekonomista salatu du euskal sindikatuak, besteak beste.
LABetik adierazi dute gertatzen ari diren araudi aldaketak osasun sistema erdibitzen dutela, alderdi publikoari botereak kenduta eta pribatuari emanda, funts publikoekin finantzatuta. Horrez gain, mutualitateei kontrolik gabeko erabateko boterea ematen zaiela ere salatu dute.
Egoera hobetzeko, eredu publiko unibertsal baten sorrera aldarrikatu du LABek, erabiltzaileen harretarako oinarrizko eskubideen karta bat garatuko lukeena. Sindikatu horren ustez, eredu horren ardatzak dira, besteak beste: jendarte babesa; lan harremanetarako euskal esparruak indartzea; mutualitateetako eta prebentzio zerbitzuetako baliabideak publiko egitea; eta kotizazioak jaso eta kudeatzeko erakundeak sortzea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
