Euskararen alde egotetik, euskararen alde egiteko bidean, euskaldun eta euskaltzaleen topagune izan nahi du egunak, antolatzaileen esanetan.
Eguerditik goizaldera
Egitarau zabala josi dute: txupinazoa, herri-bazkaria eta kale-animazioa, umeentzako tailer eta abarrekin. Eguneko zitarik garrantzitsuena, ordea, 18:00etan Andra Mari Zuriaren plazatik abiatuko den Nazio Manifestazioa izango da; egunaren lelo berberarekin, euskaldunon hizkuntz-eskubideen aldeko martxa burutuko da, hain zuzen ere. Ondoren, Ttek elektro-txarangak kaleak piztuko ditu; eta Landatxon lehertuko da festa, Gose eta Tximeletak eskainitako kontzertuekin.
Euskal Herrian Euskaraz taldeak (EHE) antolatu du Euskaraz Bizi Eguna, hainbat eragile eta herritarren babesarekin.
Bueltarako autobusa
Arrasateko EHEk bertaratzeko gonbitea luzatu die herritarrei, eta autobusa antolatu du Gasteizetik itzultzeko: 04:00etan aterako da Gasteizetik eta txartelak hiru eurotan egongo dira salgai. Interesa izanez gero, idatzi e-mail bat arrasate@euskalherrianeuskaraz.org helbidera edo jarri kontaktuan kideetakoren batekin.