Bretainiako Quimper herritik etorri dira, 14 urteko 19 ikasle guztira. Atzo arratsaldean iritsi ziren eta domeka goizera arte egongo dira gure artean (Arrasate, Aretxabaleta eta Eskoriatzan). Arizmendi Ikastolarekin egin ohi duten elkartrukearen bitartez etorri dira; gureko ikasleak Bretainian egon berri dira eta etxera itzuli eta gutxira bisitan etorri zaizkie hango neska-mutikoak. Elkartrukearen hamalaugarren edizioa da aurtengoa.
Akademikoki truke-lekuko hizkuntzak praktikatzea badu ere helburu ekimenak, beste hainbat asmo ere baditu, hala nola, hango eta hemengo kultura, hizkuntza, ohiturak... ezagutzea eta bi errealitateak elkar hurbiltzea.
Tokiko hedabideak
Goizean Goienan izan dira: telebistako instalazioak, papereko edizioak eta goiena.net webgunea ezagutzeko aukera izan dute.
