Enkarterrietan euskara eta Eskola Publikoaren eskaria gorantz doazela erakutsi nahi dutela adierazi dute aurkezpenean. Eta helburua zein izango den ere azaldu dute: "Urtero bezala, hezkuntza-sistemaren ardatz izan behar den kalitatezko Euskal Eskola Publikoa aldarrikatzea izango da aurtengo jaiaren helburua, horretarako jai-giro atsegina eskainiz".
'Gorantz goaz, GO GO!' kantuaren letra
Tximeleta hego gabe
ez doan gisa aske hor
euskaldunok euskerarik
gabe ere ez gara inor
nola onartuko dira
kanpoko lege arrotzak?
Sistema propioak baino
ez du balio guretzat
datorrenari kaixo bat
sekula ere ez adio
horrek etxeko haurrari
nahiko irakasten dio
Elkartasunez begitu
nor daukazun inguruan
ondokoak behar zaitu
zuk behar duzun moduan
nola ulertu eskola
gure herritik harago?
Eskola gure herriari
lotuta baldin badago
noiz ulertu behar dugu
neska ta mutil tropela
gure sexuen gainetik
gizaki bat dagoela
Altxatu besoak
hastera doa jaia
Gorantz goaz Go! Go!
Bidean inor ahaztu gabe
gure hezkuntzaren alde
eskola publikoaren alde (x4)
