Aretxabaletaren bolada ikusgarria etetera Antzuola domekan Estalan

Xabier Urzelai 2014ko mar. 21a, 12:30
Antzuola, Vasconiaren kontrako lehian.
Lehenengo itzulian lortu zuen Antzuolak Aretxabaleta mendean hartzea (1-3). Gainera, Juanina Garairen mutilek Ibarra moduko zelai gogorrean lortu zuten gutxik aurreikusten zuten hori. Antzuolak zelai horretan kendu zuen gainetik, neurri handian, etxean irabazteko gauza bakarrik zen taldearen itxura, eta askoren errespetua irabazi zuten han. Etxetik kanpora lortutako lehen garaipena izan zen.

Eta, Ibarran egindako hura ostera ere errepikatu nahi dute, oraingoan indartsu sentitzen diren zelaian, Estalan (Domeka, 16:30). Gainera, Irunen hiru gol jaso ostean, antzuolarrek arantza ateratzeko agertoki aproposena dute, derbia.

Aurrean izango duten kontrarioa, baina, ez da lehenengo itzuliko Aretxabaleta. Valleren mutilak eraldatu egin direlako, eta dagoeneko 10 partidu irabazi dituztelako jarraian –12 aste partidurik galdu barik.

Bergarak ere etxean

Sailkapenean parean dagoen Hondarribiaren bisita izango du Bergarak bihar (16:30). Eta Aloña Mendik zeharka fabore galanta egin diezaioke Aretxabaletari, kontrario zuzen Anaitasunaren zelaian jokatuko dute-eta.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak