2014. urteko deialdia da orain onartu dena eta eskaerak aurkeztu ahal izango dira ustialeku bakoitzaren kokalekuari dagokion eskualdeko nekazaritza bulegoetan, maiatzaren 15a bitartean. Aurten nekazari bakoitzak 250 euro jaso ditzake hektareako, Europako legediak lagatzen duen kopururik handiena, hain zuzen. Pertsona fisikoen kasuan, gehienez 4.500 euro emango dira eta pertsona juridikoen kasuan 13.500 euro.
Mendi-nekazaritzaren berezko zailtasunak eta eragozpen handiko beste batzuk konpentsatzeko eman ohi dira laguntza hauek, Mendi-nekazaritzarentzako Indemnizazio Konpentsatzaileak izeneko diru laguntza lerroan.
Hauek dira laguntzaren helburuak:
- Nekazaritza lurren etengabeko erabilera ziurtatzea.
- Nekazaritza sistema iraunkorrak mantendu eta sustatzea.
- Nekazariak konpentsatzea ekoizpenaren baldintza mugatzaileek eta neurri murritzek dakarten errenta txikiagatik.
