Alfredo Moraza Aranzadiko arkeologoak dio, lur hauetan "XVI edo XVII. mendeetako errementari baten" aztarnak egon daitezkeela. Lehenengo zundaketetan buztina aurkitu du arkeologo taldeak, eta horrek lur hauek dauden lekuan burdina landu zela adierazten duela diote. Datorren astera arte luzatuko diren lanetan hipotesi hauek baieztatuko dituztela uste du Morazak.
Batzoki eta abade etxe artean dagoen lur eremua interes handikoa dela dio arkeologo taldeak. Arrasateko harresiaren aztarnen bila, 1991ean egin zituen Aranzadik lehenengo indusketak Arrasateko lur hauetan.