Bergarak distantziak txikitu nahi ditu bihar, Aloñaren kontrako derbian

Iazko derbiko irudian, Bergarako eta Aloñako jokalariak zelaiaren erdian lehian.
Bergarak (29 puntu) Aretxabaletaren (39) kontrako derbia galdu zuenetik ez du gauza onik izan, eta beste derbi bat erabili nahi dute, bihar Aloñaren (37) kontra dutena, joeraz aldatzeko. Touringen zelaian hiru gol jasotzetik datoz Arrateren mutilak, eta Hondarribiari urteko errepasoa eman dion Aloña Mendi hartuko dute Agorrosinen (zapatua, 16:30).

Baina, kategoria hau apur bat ezagutzen duenak, badaki, hemen inor ez dela bizi atzo egindakotik; Aloñarendako ezer gutxirako balio du Azkoagaingo garaipenak, erreferentzia moduan ez, behintzat, lehia erabat ezberdina izango dutelako aurrean. Bergarak ez ditu Hondarribiak emandako erraztasunak emango, lehia fisikoagoaren aldeko apustua egingo dute, besteak beste, zelaiak ere horretara gonbidatzen duelako. Astelehenean, Harmailatik saioak eskainiko du derbiak emandako guztia. 

Beti Gazteren bisita Estalan

Antzuolak ere etxean jokatuko du, atzerago dagoen Beti Gazteren kontra (15:45). Eta Lagun Onaken zelaira joango da Aretxabaleta domekan (17:00). Erregional preferentean, azkenik, Elgoibarren jokatuko du Mondrak etzi (16:30). 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.