Eskualdeko Ernairen `hazi-hezi-izan´dinamikaren barruan lehen autoprestakuntza eta hitzaldia abian da jada

Ernai-ek antolatutako ekintzen kartela.
Otsailaren 15ean eman zioten hasiera kanpaina berri honi, Elorregin eta orain, autodeterminaziorako eta independentziarako dauzkaten arrazoiak zeintzuk diren azalaratu nahi dituzte.

Autodeterminazioaren eta erabakitzeko eskubidearen arteko desberdintasunak aztertu eta jendearen zalantzei buruz hitz egin, eztabaidatu eta alternatibak proposatzeko asmoarekin datoz. Horretarako, Mario Zubiagaren hitzaldiaz baliatuko dira martxoaren 7an,  19:00etan, Oñatiko Gaztetxean. Herri guztietako gazteak hitzaldira gaian pixka bat sakonduta eta hausnartuta joan daitezen, Bergara, Oñati, Aretxabaleta eta Arrasaten prestakuntza saioak egingo dira. Arrasateren kasuan, martxoaren 5ean, 19:00etatik-20:00etara Arrano elkartean.

Beraz, independentziaren beharra aldarrikatu eta gazteen artean independentziaren aldarria zabaltzen ahaleginduko dira hainbat ekimen eginda, hala nola mahai-inguruak, hitzaldiak, autoprestakuntza, bideo-emanaldia, kale ekintzak, etab. Horrez gain, Kataluniako Arran gazte antolakundearekin topaketak egingo dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.