Gastronomia tailerrak jarri dira martxan XVI. Jardunaldian

Gatzatua nola prestatzen den ikasteko aukera izango dute debagoiendarrek.
Hamaseigarren jardunaldi gastronomikoetan sukaldaritza tailerretara joateko aukera izango dute debagoiendarrek.

Bi hilabete pasatxo iraungo dute aurtengo Debagoieneko Jardunaldi Gastronomikoek; hau da, otsailaren 21etik apirilaren 27ra. Oraingo honetan, sukaldaritza tailerrak jarri dira abian debagoiendarrek garaiko sukaldaritzaz goza dezaten, eta lau jatetxek egin dute bat ekimenarekin: Maialde, Zumeltzegi, Santa Ana eta Goiko Bentak, hain zuzen. Martxoaren 5ean eta 19an Arrasateko Eroski Hipermerkatuan izango dira tailerrak, arratsaldeko seietan. Frikatza, gatzatua eta entsalada epelak dira Maialde eta Zumeltzegi jatetxeetan landuko diren menuak eta bildots menestra, gatzatua eta natillak Santa Ana eta Goiko Bentan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.