Aretxabaletan 600 lagunendako tokia dago Aratuste-domekan, martxoak 2, Ibarra kiroldegian egingo den bazkarian; oraindik 80 bat txartela daude saltzeke. Interesatuak Arkupera joan behar dira astegunetan, Kultura Saileko bulegoetara, 08:00etatik 15:00etara; helduenak 16,5 eurotan daude salgai eta umeenak 13 eurotan. Koadrilaka eman behar da izena.
Bestalde, Eskoriatzan bihar, martitzena, amaitzen da Aratuste-zapatuan, pilotalekuan, egingo den bazkarirako txartelak erosteko epea. 15 eta 10 eurotan daude salgai Inkernun eta Goxo Txikin.
