Eduki hau partekatzeko esteka arbelera kopiatu da.
Euskal Preso Politikoen Kolektiboko bi mintzaidek –Marixol Iparragirre eskoriatzarrak eta Jon Olarrak– elkarrizketa eskaini diete 'Berria' eta 'Gara' egunkariei. Urrats zehatza iragarri dute horietan: destino aldaketa eskatuko dute, alegia, Espainiako ziegetan dituzten kolektiboko kide guztiak Zaballako espetxera aldatzea.
Euskal Herrian batzea "ezinbesteko" neurritzat jo du kolektiboak, konponbideari ekarpenak egiteko: "EPPK subjektu aktiboa izateko, ezinbestekoa da kide guztiak espetxe berean egotea", adierazi dute mintzakideek, eta Frantzian dituztenei dagokienez, herritik gertuen dagoen espetxera eramatea galdegingo dute.