Udalek aurkeztutako eskaerak baloratzeko honako irizpideak hartuko ditu kontuan Aldundiak, eta gehienez ere 100 puntu jaso ahal izango dituzte:
- Diruz lagundu ahal izango dira bai obrak egitea (20 puntu) eta baita proiektuen idazketa ere (5 puntu).
- Ekintzaren interesa baloratuko da mugikortasun jasangarriaren ikuspegitik eta horretarako bi irizpide hartuko dira kontuan: batetik, dagoeneko eraikita dauden bidegorriak lotzea (10 puntu) eta, bestetik, eraikin edo zerbitzu publikoetara (eskolak, ospitaleak, merkatuak, liburutegiak....) eta auzuneetara iristea (40 puntu).
- Udaleko Iraunkortasun Plan Estrategikoan dauden bidegorriak (10 puntu).
- Bizikletaren erabilera sustatzeko ekintzak egitea (10 puntu).
- Bereziki emakumeen artean bizikletaren erabilera bultzatzeko ekintzak aurreikusi dituzten eskaerak (5 puntu).
- Bidegorrien ibilbidea diseinatzeko orduan emakumeen beharrak eta berezitasunak kontuan izango dituzten eskaerak (5 puntu).
Dirulaguntzak banatzerako orduan, Aldundiak udalak garatuko duen ekintzaren portzentaje bat lagunduko du, eta ekintzak lortzen dituen puntuen araberakoa izango da hori, betiere %75eko eta 55.000 euroko muga kontuan hartuta. Dirulaguntzak lehentasunen arabera emango ditu Aldundiak, urteko deialdian ezarritako dirua bukatu arte.
Diruz lagundutako ekintzak 2014ean zehar egin beharko dituzte udalek.
