Astean batu da Lizargarateko zuzendaritza, eta erabaki du elkartearekin aurrera jarraitzea, nahiz eta jakin nahikoa gastu handia egin beharko dutela, aurreko asteko lapurretaren ostean, gauzak berriro gutxieneko baldintza batzuetara itzultzeko.
Eguena eta egubakoitza artean sartu ziren Oñatiko, Antzuolako eta beste zenbait herritako bazkideak dituen mendiko elkartean. Ateak bortxatu eta eraman zituzten topatu zituzten kontsumorako gauzak –edari, kafe, azukre...– eta, zuzendaritzakoen esanetan, txatarretarako balioko dutela uste zuten guztia: aluminiozkoak, eguzki plaken bateriak, berogailu bat... 15.000 euro inguruko kaltea eragin zuten lapurrek.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.