Gipuzkoako ekonomia hobetzeko zantzu "ahulak" ikusi ditu Adegik

Erorketa oso handia izan da, ordea, eta luze joko du urteotan galdutakoa errekuperatzeak: sei urtean, Gipuzkoan, 2.000 enpresa baino gehiago eta 35.000 lanpostu inguru galdu dira; barne produktu gordina (BPG) 2006ko mailatik behera jaitsi da; eta industria ekoizpena 35 puntu inguru erori da. 2013an "hobekuntza zantzuak" ikusi dituela eta 2014a urte "positiboa" izatea espero duela iragarri du, baina, Adegik; "aurten dauden arriskuak gauzatzen ez badira", lurraldeko BPG %1 haziko dela iragarri du patronalak.

Urtero Gipuzkoako enpresarien artean egindako inkestaren arabera, salmentek gora egin zuten 2013an (fakturazioa %2,5 igo zen), batez ere kanpo sektoreari esker. Eskaerak ere %3,4 igo ziren iaz, eta Gipuzkoako enpresen %81,5ek eskaera mailari eustea lortu zuten.

Enpresarien artean konfiantza "nabarmen" hobetu dela baieztatu du Adegik: konpainien ia %70ek pentsatzen dute merkatua jada ez dagoela atzeraldian. Eta lan merkatuan ere argi izpiak seinalatu ditu patronalak.

Horiek horrela, 2014a urte "positiboa" izatea espero du eta datozen hilabeteetan lanpostuak sortzeko itxaropena ere agertu du, nahiz eta zaila ikusten duen langabezia jaistea urteko azken hiruhilekora arte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.