Aitor Antxiarendako Goiena Klubeko sari berezia

Aitor Antxia eta Marta Leturia Goiena Klubeko arduraduna.
Azaro eta abenduko sustapen kanpaina berezian, Goiena Klubeko bazkide egin direnen artean i-Pad bat zozkatu du Goienak eta Aitor Antxia aretxabaletarrari egokitu zaio. Astelehenean jaso zuen oparia Marta Leturia Goiena Klubeko arduradunaren aldetik. "Oso pozik nago, sinistu ezinda; aurrerantzean, ezingo dut esan inoiz ez zaidala ezer tokatu" adierazi du.

Goienako hedabideei laguntzeko, Goienak behar zaitu! Kanpainaren berri izan zuen Antxiak eta emazte Goyi Mendorekin komentatu zuen izena eman eta Goiena Klubeko bazkide egitearen komenigarritasunaz. "Handik egun bitara, telefono deia jaso genuen etxean klubeko kide izateko eskaintza eginez eta baietz esan genuen bitan pentsatu barik". Izan ere, aurretik erabakia hartuta zuten-eta Aitor Antxiak eta emazteak.

Goienako hedabideen jarraitzaile

Goienako hedabideen jarraitzaileak dira. Egubakoitzeko Goiena paperekoaren harpidedun dira aspalditik eta Goiena.net eta Goiena telebistaren ohiko erabiltzaile eta ikus-entzule ere bai. Zazpi urteko bi seme-alaba bikien guraso da Aitor Antxia. "Txikiek ere begiratzen dituzte zorion-agurrak telebistan" dio.

Gertuko informazioa eskaintzearren eta berau, gainera, euskaraz izatearren kontsumitzen dituzte Goienako hedabideak Antxiatarren etxean. Aurrerantzean, i-Pad dotorean ere irakurri eta ikusi ahal izango dituzte albisteak, baita bideoak edo Goiena paperekoa ere. Tableta berri-berria, osasunez urratu dezatela!

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.